zindagi kuch is tarhan se veraan hoi

zindagi kuch is tarhan se veraan hoi

~dost~

jis tarhan parinde koi shehar udas ho kar chor jate hain

Hum ne waqt se bohut wafa ki lekin

Hum ne waqt se bohut wafa ki lekin
Waqt humse bewafaai kar gaya
Kuch humare naseeb boore the
Kuch logon ka humse jee bhar gaya…

Tanhaa Rast0n Main Tera Sath Chahye...

Tanhaa Rast0n Main Tera Sath Chahye...

Tanhaa Hai Mera Hath Tera Hath Chahye...

Kisi Kamzoor Lamhey Main,

Kisi Kamzoor Lamhey Main,

Agar Main Tum Say Ye Keh Doon,

Mujhey Tum Say "MUHABAAT" Hai,

Tum Ye Mat Samaj Lena,

Kay.............!!!!!!!!!

Mein Nay Sach Kaha Ho Ga,

Aisi Dil-Nasheen Baatoon Ko,

Aisi dilbar Aadaoon Main Kehna,

Mujhey Bachpan Say Aata Hai,

Meri Aankhein Mera Chehra,

Mera Ye Bey Sakhtaa Lehja,

Ye Sab Kuch Jhoot Kehta Hai Mager !

Iss Jhoot Main Bhi Ek Sach Bhi Hai,

Kay.................!!!!!!!!!!!!!!,

Mujhey Tum Say "MUHABBAT" Hai

Main Sun K Uski Sab Baatien

Main Sun K Uski Sab Baatien

Faqat Itna He Keheta Hun

Khafa Hona Mana Lena

Ye Sadiyon Se Riwayat Hai

Mohabbat Ki Aalamat Hai

Gilay Shikway Karo Mujh Se

Tumhein Jana Ijazat Hai

Mager Ek Baat Meri Bhi

Zara Tum Yaad Rakh Lena

Kabhi Aisa Bhi Hota Hai

Hawaein Rukh Badalti Hain

khizaein Lot Aati Hain

Khataein Ho He Jaati Hain

Khafa Hona Bhi Mumkin Hai

Khata Hona Bhi Mumkin Hai

Hamesha Yaad Rakhna Tum

Taaluq Rooth Jaane Se Kabhi Toota Nahin Kartay..!!

Suno aye chaand c larki

Suno aye chaand c larki
Abhi tum keh rahi thi na

Tumhain mujh se muhubbat ho nahi sakti
Chalo mana k yeh such hai

Magar aye chaand c lerki
Mujhe itna batao tum

K jab mosam badalte hain
Gulon main rang bharte hain

To phir kiun muztarib ho kar
Akele pan se ghabra kar

Hawa ko raaz deti ho
Mujhe awaaz deti ho

Suno aye chaand c lerki
Tumhare saamne koi mera jab naam leta hai

To phir kiun chonk jaati ho
Chalo mana tumhain mujhse muhubbat ho nahi sakti

Magar itna samajh lo tum
Jahan chahat nahi hoti

Wahan nafrat k hone ka koi imkan nahi hota
Mera dawa hay chahat main

Jahan nafrat nahi hoti
Wahan aksar ye dekha hai

Agar kuch waqt katt jaye
Samay ki dhool chhat jaye

To wehshat bhaag jati hai
Muhubbat jaag jati hay

December Ki Udaas Shaamein,Sard Raatein

December Ki Udaas Shaamein,Sard Raatein
Kabhi Bulayein To Laut Aana
Kisi Ki Aankhon Mein Rat-jagu k
Azaab Aayein To Laut Aana

Abhi Nayi Wadion, Naye Manzaron Mein
Reh Lo Magar Meri Jaana
Yeh Saray Aik Aik Kar k Tum Ko
Chor Jayein To Laut Aana

Main Roz YunHi Hawa Pe Likh k
Uss Ki Janib Yeh Bhejta Hoon
Gar Achay Mousam Paharon Pe
Muskurayein To Laut Aana

Agar Andheron Mein Chor Kar Tum Ko
Bhool Jayein Tumharay Saathi
Aur Apni Hi Khatir Apnay Apnay
Diye Jalayein To Laut Aana

Meri Vo Baatein Jin Pe Tu
Be Sakhta Hansti Thi Khil-Khila k
Bicharnay Wali Meri Vo Baatein
Kabhi Rulayein To Laut Aana

December Ki Udas Shamein,Sard Ratein
Kabhi Bulayein To Laut Aana...!!!

Fursat Ho Gar Aanay Ki Aye Jaan-e-Tamanna
Aa Jao k Tujhay Dil Ne Bohat Yaad Kiya Hay...!!!

Tum Kia Jano Mein Khuda Sey Kia Mangta Hon

Tum Kia Jano Mein Khuda Sey Kia Mangta Hon

Tumhari Salamti Ki Hamesha DUA Mangta Hon

Agar Anjaney Mein Ho Jaye Koi Tum Sey Khata

To Miley Mujhey Us Ki Saza Yeh Mangta Hon

Ager Lag Jaye Koi Chout Tum Ko Ya Ho Pareshaan

To Merey Huq Mein Woh Saari Takleefein Mangta Hon

Aye! Khuda Meri zindagi Ko Ghum Sey Dur Rekhna

Din Raat Tumharey Sarey Ghum Mangta Hon

Tum Ho Hamesha Kamiyaab Tumhari Her Khuwahish Ho Puri

Bas Yeh Sochta Hon Tumhari Her Khushi Mangta Hon

Tum Kia Jano Mein Khuda Sey Kia Mangta Hon

Bas Tumhey Sirf Tumhey Mangta Hon !!!!

Wo kehti hai tumhari batain achi lagti hain

Wo kehti hai tumhari batain achi lagti hain
Mein kehta hoon sooraj ki roshni tumko sajti hai

Woh kahti hai tumhari baton mein apnaiyet hai
Mein kehta hoon muhabbat rafta rafta barhti hai

Woh kehti hai itney din bad miley ho
Mein kehta hoon shayed sadiyan beet gai hain

Woh kehti hai meri zindagi mein khawab hain buhat
Mein kehta hoon sarey khawab sumait loo

Woh kehti hai kya ab bhi mujhko chahtey ho?
Mein kehta hoon tumhein khabar nahi hai shayed

Woh kehti hai dekho amawus ki raat hai
Mein kehta hoon haan chand mere pehloo me hai

Woh kehti hai zindagi kitni khoobsurat hai
Mein kehta hoon zara aik sapna tootney do

Woh kehti hai mousam buhat pyara hai
Mein kehta hoon zara tanhai me dekhna

Woh kehti hai dekho meenh barasta hai
Mein kehta hoon haan badal akser roota hai

Woh Boli, Dil Ko Koi Be-Yakeeni Hai Mohabbat Mein

Woh Boli, Dil Ko Koi Be-Yakeeni Hai Mohabbat Mein
Main Bola, Theek Hai Per Ishq To Imaan Hota Hai
Woh Boli, Aarzuein Dil Ke Andsar Been Karti Hain
Main Bola, Theek Hai Mujh Ko Sunayi Dete Hain
Woh Boli, Hum To Jaise Eik Musalsal Dukh Ke Qaidi Hain
Main Bola, Theek Hai Yeh Zindagi Dukh Ka Tasalsul Hai
Woh Boli, Koi Shab To Khwab Mein Bhi Khwab Aate Hain
Main Bola, Theek Hai Kuch Hasratein Aise Bhi Karti Hain
Woh Boli, Baarishon Mein Aur Zyada Jaan Sulagti Hai
Main Bola, Theek Hai Yeh Aag Paani Ke Masail Hain
Woh Boli, Raat Kyun Mushkil Se Kat'ti Hai Judai Mein
Main Bola, Waqt To Kaifyaton Ka Naam Hota Hai
Woh Boli, Chahaton Mein Dard Ke Rehne Ki Khwaish Kyun
Main Bola, Dard Ke Maare Huon Ko Chain Milta Hai
Woh Boli, Rooh Ki Aasodgi Ko Kya Zaroori Hai
Main Bola, Rooh Ko Aalodgi Achi Nahin Lagti
Woh Boli, Chand Ki Aur Chandni Ki Kya Kahani Hai
Main Bola, Aadam-o-Hawa Kki Chahat Ki Nishaani Hai
Woh Boli, Be-Saropa Khwaishein Beemar Rakhti Hain
Main Bola, Aadmi Andoa Ke Batin Se Nikla Hai
Woh Boli, Door Reh Ker Dard Barh Jata Hai Seene Mein
Main Bola, Qurbatein Bhi Hijar Ke Khudshe Barhaati Hain
Woh Boli, Shaam Hote Hi Udaasi Phail Jaati Hai
Main Bola, Raat Bhi To Aansuon Se Ishq Karti Hai
Woh Boli, Zindagi Mein Tu Nahi To Zindagi Kab Hai
Main Bola, Har Taraf Ik La-Ubali Maut Hadwi Hai
Woh Boli, Ishq Ka Apna Ilehda Rang Hota Hai
Main Bola, Rang Ka Apna Ilehda Ishq Hota HAi
Woh Boli, Dil Ko Koi Be-Wajah Sa Khauf Rehta Hai
Main Bola, Ishq To Be-Baak Logon Ka Hi Shewa Hai
Mohabbat Eik Pal Bhi Sukh Nahi Deti, Kaha Us Ne
Kaha MAin Ne, Mohabbat Ke Ilawa Kaun Sa Sukh Hai
Mohabbat Shehar Bhar Mein Goonj Jaati Hai, Kaha Us Ne
Kaha Main Ne, Mohabbat Ke Chupa Rehne Ki Khwaish Kiya
Mohabbat Chup Nahi Rehti Kisi Pal Bhi, Kaha Us Nne
Kaha Mmain Ne, Mohabbat Bin To Kayinaat Goongi Hai
Mohabbat Zehan Ka Ik Khaas Aalim Hai, Kaha Us Ne
Kaha Main Ne, Mohabbat Rooh Ki Dehleez Hoti Hai
Mohabbat Be-Sabab Tarpaye Rakhti Hai, Kaha Us Ne
Kaha Main Ne Ke Yeh Asbaab Kya Shai Hai Mohabbat Mein
Woh Kehti Hai Sitaare Aansuon Mmein Kyun Chamakte Hain
Main Kehta Hoon Mohabbat Roshni Mein Rang Bharti Hai
Woh Kehti Hai, Hawa Ke Haath Mein Kya Kya Nahi Aata
Main Kehta Hoon, Jo Dehleezon Ke Andar Dafan Hota Hai
Woh Kehti Hai, amaane Ko Dilon Se Ranj Kyunkar Hai
Main Kehta Hoon, Yeh Aazar To Sadiyon Ki Qismat Hai
Woh Kehti Hai, Tumhaare Baad Kyun Baarish Nahi Hoti
Main Kehta Hoon, Meri Jaan Hijar Sehraon Mein Rehta Hai
Woh Kehti Hai, Ke Khushiyon Mein Bhi Tum To Rone Lagte Ho
Main Kehta Hoon, Meri Aankhon Ko Sawan Acha Lagta Hai
Woh Boli, Tum Bhi Farhat Zindagi Se Rooth Jao Ge
Main Bola, Han, Shayed Mmaut Mujh Se Maan Jaye Gi
Woh Boli, Tum Khushi Ke Geet Ko Mayoos Karte Ho
Main Bola, Kya Karoon In Mukhtasar Geeton Ka Mausam Hai
Woh Boli, Tum To Farhat Khud Hi Khud Se Haar Jaate Ho
Main Bola, Kya Karoon Kamzor Hoon Aur Be-Sahara Hoon
Woh Boli, Kya Yeh Sab Kuch Itefaqan Hai Tumhara Gham
Main Bola, Yeh Bhi Mumkin Hai Yeh Sab Ehtaraman Ho
Mohabbat Mein Ghamon Ki Is Kadar Yalghar Kyun,.. Boli
Main Bola, Tum Kisi Din Yeh To Apne Aap Se Poocho
Woh Kehti Hai , Suno Farhat! Tumhara Khwab Kyun Toota
Main Kehta Hoon, Sarabi! Dil Mein Koi Kheench Parhti Thi
Tumhari Shairy Mein Zindagi Ki Siskiyan Kyun Hain
Main Bola, Aansuon Ki Ibtadayi Shakal Joh Thehri
Woh Kehti Hai Ke Farhat Shah Main Kuch Muztarib Si Hoon
Main Kehta Hoon, Sarabi! Tum To Meri Rooh Jaisi Ho
Woh Kehti Hai, Tumein Kyun Khauf Aata Hai Hawaon Se
Main Kehta Hoon, Sarabi! Deep To Aise Hi Hote Hain
Woh Kehti Hai, Chalo Farhat! Hawa Ke Saath Chalte Hain
Main Khamoshi Se Us Ke Saath Chal Deta Hoon Bujhne Ko
Woh Mujh Se Poochti Hai, Tum Kahan Gayab Ho Sadiyon Se
Main Kehta Hoon, Hazaron Wasooson Ke Darmiyaan Gum Hoon
Woh Mujh Se Poochti Hai, Raat Ki Bechainiyan Kya Hain
Main Kehta Hoon, Wohi Jo Dooriyon Ke Dil Mein Hoti Hain
Woh Mujh Se Poochti Hai, Khauf Ka Doraniya Kya Hai
Main Kehta Hoon, Jo Dil Aur Gham Ka Hota Hai Museebat Mein
Woh Mujh Se Poochti Hai, Badlon Ki Umr Kitni Hai
Main Kehta Hoon, Tamazat Ke Mutabiq Paniyon Ke Waqt Jitni Hai
Woh Mujhse Poochti Hai, Raat Itni Be-zuban Kyun Hai
Main Kehta Hoon, Zuban To Dard Ki Shiddat Se Hoti Hai
Woh Kehti Hai, Yeh Khamoshi Bhi Kuch To Sochti Hogi
Main Kehta Hoon, Wohi Jo Ghuftugo Ki Bheer Mein Kho Jaye
Woh Kehti Hai, Ke Farhat Kuch Dinon Se Bolte Kam Ho
Main Kehta Hoon, Kayi Dukh Bolne Se Rok Dete Hain
Woh Kehti Hai, Mujhe Yeh Soch Ker Batla Main Kaisi Hoon
Main Kehta Hoon, Sarabi! Sochne Mein Waqt Lagta Hai
Main Kehta Hoon, Tumhein Darya Kinare Kaise Lagte Hein
Woh Kehti Hai Tumhein Bichare Sahare Kaise Lagte Hein
Main Kehta Hoon, Mujhe Tum Hansti Gaati Achi Lagti Ho
Woh Mujh Se Poochti Hai, Dard Se Darne Lage Ho Kya
Woh Boli, Raat Se Kya Baat Karte Ho Akele Mein
Main Bola, Dard Ki, Kuch Kuch Mohabbat Ki, Judai Ki
Woh Boli, Chand Kya Aata Hai Tum Se Chonchlein Karne
Main Bola, Haan Kabhi Sapnon Ke Aangan Mein Utarta Hai
Woh Boli, Kaun Aksar Yaad Aata Hai Udaasi Mein
Main Bola, Kuch Puraane Raaste, Bachpan Aur Ik Larki
Woh Boli, Dard Ki Jaziyaat Mein Parne Se Kya Behtar
Main Bola, Dard Ko Khush Khush Sahein Aur Kooch Kar Jayein
Woh Boli, Zindagi To Dairon Ke Phailne Se Hai
Main Bola, Maut Bhi Ik Daira Hai Door Tak Phaila
Woh Boli, Rooh Ke Andar Kahin Per Aag Jalti Hai
Main Bola, Haan Dhuan Main Ne Bhi Dekha Hai Nigahon Mein
Woh Boli, Ik Dahekta Shor Sharyanon Mein Behta Hai
Main Bola, Haan Badan Per Aabley Maine Bhi Dekhein Hain
Woh Boli, Saans Per Bhi Dard Ke Korhay Baraste Hein
Main Bola, Haan Lahoo Per Neel To Maine Bhi Dekhein Hain
Woh Boli, Zaat Ki Teh Mein Na Jaane Kya Nahan Hoga
Main Bola, Jism Per Ubhri Waredon Se Bhi Zahir Hai
Woh Boli, Daq Zada Jeevan Chupati Phir Rahi Hoon
Main Bola, Nakhunon Ki Zardiyon Ne Ker Diya Aryan
Woh Kehti Hai, Teri Jaibon Mein Itne Khwab Kyunkar Hain
Main Kehta Hoon Ke Duniya Mein Mujhe Zinda Bhi Rehna Hai
Woh Kehti Hai, Tere Kalar Pe Mitti Ka Nishaan Kaise
Main Kehta Hoon Ke Majboori Alamat Chor Jati Hai
Woh Kehti Hai, Teri Aawaz Mein Masoomiyat Si Hai
Main Kehta Hoon Ke Yeh Mazloomiyat Ke Baad Aati Hai
Woh Kehti Hai, Tere Chehre Pe Karb Be-Karan Kaisa
Main Bola, Dil Ne Chehre Per Zara Sa Rang Chora Hai
Woh Kehti Hai, Tere Haathon Pe Zakhmon Ke Manazir Kyun
Main Kehta Hoon Ke Kuch Zevar Bare Anmol Hote Hain
Woh Boli, Umar Beeti Koi Bhi Milne Nahi Aaya
Main Bola, Umar Se Pooch Ke Aakhir Umar Kyun Beeti
Woh Boli, Husn Dhalne Ke Liye Hota Hai, Lagta Hai
Main Bola, Husn Ho, Ya Bakht Ho, Ya Chand Sooraj Hon
Woh Ab To Zulfon Mein Bhi Chandi Si Sarak Aayi
Main Bola, Rooh Tak Main Bhi Dararhein Parh Gayi Hongi
Woh Boli, Haath Dekho Be-Iradah Hi Larazte Hain
Main Bola, Haath Dikhlao To Phir Dekho Bhi Himmat Se
Woh Boli, Zindagi Ka Aakhri Kardaar Hairat Hai
Main Bola, Maut Se Pehle Koi Ghar Baar Hairat Hai
Woh Mujh Se Poochti Hai, Badalon Ko Kab Bulao Ge
Main Kehta Hoon, Tumhein Jab Dhoop Ka Mausam Sataye Ga
Woh Mujh Se Poochti Hai, Panchiyon Se Aashnayi Hai
Main Kehta Hoon Ke Ashkon Ke Qataron Se Bhi Waqif Hoon
Woh Mujh Se Poochti Hai, Shehar Ki Buniyaad Mein Kya Hai
Main Kehta Hoon, Kisi Jangal Ka Qatal Aam Hai Shayed
Woh Mujh Se Poochti Hai, Tum Samandar Mein Kabhi Utre
Main Bola, Ik Samandar Doosre Mein Kis Liye Utre
Woh Kehti Hai, Mujhe Mayoosiyan Rasta Nahi Deteen
Main Kehta Hoon NKe yeh Mayoosiyan Taqat Bhi Hoti Hain
Woh Kehti Hai, Bohat Tanha Hoon Main Is Puri Dooniyan Mein
Main Kehta Hoon Ke yeh Ehsaas To Ho Ga KHUDA Ko Bhi
Woh Kehti Hai Ke Mujh Per Shehar Ke Wehshi Lapakte Hain
Main Kehta Hoon Ke Tum Kardaar Ko Seena Sapar Ker Lo
Woh Kehti Hai, Hajoom Badrosh Se Khauf Aata Hai
Main Kehta Hoon, Mujhe Ujri Hui Galiyan Darati Hain
Woh Kehti Hai, Mujhe Be-Has Zamaane Se Shikayat Hai
Main Kehta Hoon Ke Yeh Shikwa Shikayat Rayigaan Hai Sab
Woh Boli, Tum Kahan Gayab Rehte Ho Raaton Ko
Main Bola, Main To Bas Aawara Phirta Hoon Udaasi Mein
Woh Boli, Phone Bhi Aksar Bohat Angej Rakhte Ho
Main Bola, Be Saropa Ghantiyon Se Khauf Aata Hai
Woh Boli, Tum Bohat Kanjoos Ho Khat Bhi Nahi Likhte
Main Bola, Khat Likhoon To Shairy Naraaz Hoti Hai
Woh Boli, Tum Kabhi Milne Chale Aao Jo Mumkin Ho
Main Bola, Yeh To Tum Ne Mere Dil Ki Baat Keh Di Hai
Woh Boli, Aaj Mausam Mein Ajab Si Khushgawari Hai
Main Bola, Han Yeh Mausam Pyaar Se Milne Ka Mausam Hai
Woh Kehti Hai Ke Ab Aawargi Se Kuch Nahi Haasil
Mujhe Hairat Hai Yeh Sab Kuch Woh Mujh Badal Se Kehti Hai
Woh Kehti Hai, Hawa To Banjh Pan Taqseem Karti Hai
Main Kehta Hoon, Magar Dharti Hawa KE bAS Se Bahir Hai
Woh Kehti Hai, Shabein Dhoke Mein Rakhti Hain Hamesha Hi
Main Kehta Hoon, Kahin Yeh To Nahi Dhoka Dinon Mein Ho
Woh Kehti Hai, Mujhe To Zindagi Se Eik Shikwa Hai
Hamesha Sailon Ko Maut Ke Saye Mein Rakhti Hai
Woh Kehti Hai, KHUDA Milta To Us Se Baat Karti Main
Main Kehta Hoon, Magar Main To Khamoshi Bant'ta Rehta
Woh Kehti Hai Ke Farhat Be-Zarar Rehna Nahi Acha
Main Kehta Hoon, Kayi Achaiyan Bas Mein Nahi Hoteen
Woh Kehti Hai, Meri Yaadon Se Kyunkar Door Rehte Ho
Main Kehta Hoon, Teri Parchaiyan Bas Mein Nahi Hoteen
Woh Kehti Hai, Tumhari Kuch Dua Bhi To Koi Ho Gi
Main Kehta Hoon, Jahan Tum Ho Yeh Raatein Bhi Wahin Hoteen
Ajab Ik Ma'noiyat Si Palat Aati Nazaron Mein
Tumhein Hum Dekhte Bhi Aur Baatein Bhi Wahin Hoteen
Sitaare Dekhne Aate Mujhe Teri Mohabbat Mein
Woh Kehti Hai, Sitaare Aur Sapne Jhoot Hote Hain
Woh Kehti Hai Ke Ab Roun To Aansoo Chubhne Lagte Hain
Main Kehta Hoon, Kisi Shayar Se Aankhein Maang Sakti Ho
Woh Boli, Aas Ki Faslein Kayi Beemar Hain Dil Mein
Main Bola, Jis Tarah Mumkin Ho Sawal Ko Bula Lao
Woh Boli, Main Adhoore Qaidiyon Ki Sif Mein Shamil Hoon
Main Bola, Is Ka Matlab Hai Ke Aazadi Nahi Mumkin
Woh Boli, Kuch Likhoon To Ungliyon Se Khoon Rasta Hai
Main Bola, Main To Aise Mein Bhi Apne Dil Se Likhta Hoon
Woh Boli, Dard Ne Asab Ko Murda Bana Daala
Main Bola, Ishq Ki Bechainiyon Se Zindagi Ker Lo
Woh Kehti Hai, Agar Sab Raaste Masdwa Ho JAyein
Main Kehta Hoon, To Phri Aap Tak Mehdood Ho Jayein
Woh Kehti Hai, Agar Be-Chainiyan Be-Sod Ho Jayein
Main Kehta HOON, Fana Fi Alnar Hasat o Bod Ho Jayein
Woh Kehti Hai, Agar Veraniyan Raste Mein Aa Jayein
Main Kehta Hoon, Hazaron Gham Bohat Saste Mein Aa Jayein
Woh Kehti Hai, Tumhein Takhti Pe Apne Harf Likh Doon To
Main Kehta Hoon, Teri Baatein Mere Baste Mein Aa Jayein
Woh Kehti Hai, Balayein Jab Bhi Mera Naam Leti Hain
Main Kehta Hoon, Tujhe Meri Duayein Thaam Leti Hain
Woh Mujh Se Poochti Hai, Mujh Se Baatein Kyun Nahi Karte
Main Kehta Hoon, Abhi To Dekhne Ki Manzilon Per Hoon
Woh Mmujh Se Poochti Hai, Shaam Kya Veraan Hoti Hai
Main Kehta Hoon Ke Yeh To Hijar Ki Pehchaan Hoti Hai
Woh Mujh Se Poochti Hai, Ratjaon Ka Rang Kaisa Hai
Main Kehta Hoon Ke Jaise Jaagne Wale Ki Aankhon Ka
Woh Mujh Se Poochti Hai, Hijar Ki Qismein Bhi Hoti Hain
Main Kehta Hoon, Jitne Wasl Utne Hi Hijar Hote Hain
Woh Mujh Se Poochti Hai, Pyaar Ka Matlab Batao Ge
Main Kehta Hoon Ke Har Ik Baat Ka Matlab Nahi Hota
Woh Boli, Raaste Mein Dard Ke Kitne Samandar Hain
Main Bola, Aahkri Jo Zabt Se Bahir Nikal Aaye
Woh Boli, Ab To Mujh Mein Zabt Ka Yara Nahi Baaqi
Main Bola, Doobne Ko Phir To Tum Tayar Ho Jjao
Woh Boli, Kayinaatein Is Qadar Simti Hui Hain Kyun
Main Bola, Is Qadar Wasa't Kahan Se Aayi Hai Tum Mein
Woh Boli, Be Saropa Zindagi Se Kya Hua Hasil
Main Bola, Kuch Bhi Ho, Kuch Bhi Na Ho Aakhir Ajal To Hai
Mohabbat Mein Safar Kitna Zaroori Hai, Woh Kehti Hai
Main Kehta Hoon, Mohabbat Mein Kahin Thehra Nahi Jaata
Woh Mujh Se Poochti Hai, Aashiyane Jal GAye Honge
Main Kehta Hoon Ke Shayed Itefaqan Bach Gaye Honge
Woh Mujh Se Poochti Hai, Aaj Phir Goli CHali Ho Gi
Main Kehta Hoon Ke Han, Kuch Mayatein Ayi Hain Basti Mein
Woh Mujh Se Poochti Hai, Aaj Bhi Kuch Bomb Phatte Honge
Mmain Kehta Hoon, Koi Kehraam To Barpa Tha Sarhkon Per
Woh mujh Se Poochti Hai, Phir Adalat Mar Gayi Ho Gi
Main Kehta Hoon Ke Mujrim To Bazaat Khud Hi Munsif Hain
Woh Mujh Se Poochti Hai, Baadshah-e-Waqt Kaisa Hai
Main Kehta Hoon, Bohat Mutemayin Rehta Hai Bechara
Woh Kehti Hai, Hawayein Raat Se Aangan Mein Bethi Hain
Main Kehta Hoon, Ghutan Apna Asar Dikhla Ke Chore Gi
Woh Kehti Hai, Khamoshi Farsh Per Saye Banati HAi
Mein Kehta Hoon, Udaasi Weham Banti Ja Rahi Ho Gi
Woh Kehti Hai Ke Parchayein Bhi Ab Humzaad Lagti Hai
Main Kehta Hoon Ke Tanhai Ne Pagal Ker Diya Ho Ga
Woh Kehti Hai, Meri Chat Per Hayole Raqs Karte Hain
Main Kehta Hoon Ke Yeh To Wasoosoon Ne Bhes Badla Hai
Woh Kehti Hai, Koi Rota Hai Galiyon Ke Andheron Mein
Main Kehta Hoon, Judai Phir Rahi Ho Gi Museebat Mein
Woh Mujh Se Poochti Hai, Kya Hai Kuch Hairaan Lagte Ho
Main Kehta Hoon Ke Khud Ko Khwab Mein Hai Mutmayin Dekha
Woh Mujh Se Poochti Hai, Kya Hai Itne Mutmayin Kyun Ho
Main Kehta Hoon Ke Khud Ko Khwab Mein Hairaan Dekha Hai
Woh Mujh Se Poochti Hai, Muztarab Se Lag Rahe Ho Kuch
Main Kehta Hoon Ke Dil Mein Ishq Ka Mehmaan Dekha Hai
Woh Mujh Se Poochti Hai, Kya Pareshani Hai Farhat Jee
Main Kehta Hoon Ke Saare Shehar Ko Veraan Dekha Hai
Woh Mujh Se Poochti Hai, Badshagooni Ka Sabab Kya Hai
Main Us Se Poochta Hoon, Zindagani Ka Adab Kya Hai
Woh Boli, Aa Tujhe Main Raakh Ki Taseer Batlaon
Main Bola, Raakh Ko Kya Raakh Ke Baare Batao Gi
Woh Boli, Aa Tujhe Main Dasht Ke Ma'ni Batati Hoon
Main Bola, Aa Tujhe Apne Dil Mein Le Ke Chalta Hoon
Woh Boli, Aa Tujhe Main Zindagi Ki Fikar Samjhaon
Main Bola, Maut Ke Maare Hue Ko Khoob Samjhao
Woh Boli, Aa Tujhe Main Hijar Ka Mara Dikhati Hoon
Main Bola, Han Mujhe Tum Le CHalo Mere Hi Kamre Mein
Woh Kehti Hai, Ghubaar-e-Waqt Mein Dhundla Gaya Jeevan
Main Kehta Hoon, Palat Ker Dekhna Takleef Deta Hai
Woh Kehti Hai Ke Tum Mujh Ko Pukara Hi Nahi Karte
Main Bola, Kya Karoon Koi Gawara Hi Nahi Karta
Woh Mujh Se Poochti Hai, Kya Mujhe Tum Yaad Karte Ho
Main Kehta Hoon Ke Jaane-Mann Tumhein Main Bhoolta Kab Hoon
Woh Kehti Hai Ke Ab To Rayigaan Lagta Hai Sara Kuch
Main Kehta Hoon, Mujhe To Rayigaani Ka Bho Dhoka Hai
Woh Kehti Hai, TAmanayein Salamat Hi Nahi Ab To
Main Kehta Hoon Ke Jeevan Mein Yeh Thehrao Bhi Aata Hai
Woh Mujh Se Poochti Hai, Shorq, Chashm Tamasha Kya Hai
Main Kehta Hoon Ke Yeh To Shorq Alam Ka Hissa Hai
Woh Mujh Se Poochti Hai, Baiat-e-Sultaan- e-Gham Kyunkar
Main Kehta Hoon Ke Yeh Aadab Hain Rasm-e-Mohabbat Ke
Woh Mujh Se Poochti Hai, Jabar Per Sabar Masalsal Kyun
Main Kehta Hoon Ke Jab Tak JAng Ki Soorat Nahi Milti
Woh Mujh Se Poochti Hai, Alam-e-Bala Kahan Per Hai
Main Kehta Hoon, Hamari Fikar Ki Balayi Manzil Per
Woh Mujh Se Poochti Hhai, Sab Qayam-o-Nazam Kaise Hain
Main Kehta Hoon, Koi To Hai Jise Sab Theek Rakhna Hai
Woh Kehti Hai, Main Rizq Khaak Be-Ma'ni Hoon Duniya Mein
Main Kehta Hoon KE yEH Sara Nizaam-e-Aadmiyat Hai
Woh Kehti Hai, Main Ajz-e-Fitrat- e-Konain Hoon Janan
Main Kehta Hoon, Mujhe Maloom Hai Aye Azmat-e-Khaaki
Woh Kehti Hai, Main Khwab-e-Noor- e-Batin Hoon Sahifon Mein
Main Kehta Hoon, Kise Inkaar Hai Aye Khwaish-e-Yazdan
Woh Kehti Hai, Main Husn-e-Narmi Ehsaas Hoon Farhat
Main Kehta Hoon Ke Main To Khud Gawah-e-Lams- e-Shabnam Hoon
Woh Kehti Hai Ke Main Khushboo-e-Itr- e-Surkhi- e-Subah Hoon
Hawas Khamsa Alim Mujhe Mehsoos Karte Hain
Wwoh Boli, Main Aseer-e-Hijrat Hoon Zamanon Se
Main Bola, Be-Thikana Pan To Sadiyon Ka Asasa Hai
Woh Boli, Main Gul-e-Shaakh- e-Gham-e- Tanhai Hoon Farhat
Main Bola, Main Mazar-e-Hijar Hoon Wehshat Ke Narghe Mein
Woh Boli, Main Mata-e-Ghair Hoon Tere Liye Farhat
Main Bola, Han Yeh Sadiyon Se Mohabbat Ka Vateera Hai
Woh Boli, Main Dar-e-Iwaan- e-Hairan Hoon Zamane Mein
Main Bola Main Musafir Hoon, Main Bola Main Musafir Hoon
Woh Boli, Main Talooh-e-Aaftaab Husan Ka Manzar
Main Bola, Han Agar Main Chashm-e-Benaye Tamanna Hoon
Woh Kehti Hai, Andhere Raaston Se Khauf Aata Hai
Main Kehta Hoon, Abhi To Qabar Bhi Aani Hai Raste Mein
Woh Kehti Hai, Zamane Ka Rawaiya Dil Mein Chubhta Hai
Main Kehta Hoon Ke Achi Baat Hai Tum Mukhtalif To Ho
Woh Kehti Hai Ke Jaane Kyun Khamoshi Bhi Khatakti Hai
Main Kehta Hoon Ke Mumkin Hai Tumhein Kehna Ho Kuch Us Ne
Woh Kehti Hai, Samandar Sa Koi Rehta Hai Aankhon Mein
Main Kehta Hoon, Kabhi Mere Bhi Dil Mein Jhaank Ker Dekho
Woh Kehti Hai, Mujhe Sahil Se Nafrat Hai Museebat Mein
Main Kehta Hoon Ke Yeh To Buzdali Hai Rayigaani Ki
Woh Boli, Baarishon Se Mustaqil Jhagre SE Kya Hasil
Maon Bola, Baarishon Se Hat Ta'luq Teri Khatir Hai
Woh Boli, Main Majboor Hoon Jeevan Ke Changal Mein
Main Us Ke Jhoot Per Bola, KHUDA Ka Reham Ho Tum Per
Woh Boli, Ishq Hai To Ishq Mein Milna Milana Kya
Main Bola, Ishq Ka Apna Nizaam-e-Wasl Hota Hai
Woh Boli, Dooriyan To Kuch Mohabbat Kam Nahi Karteen
Maon Bola, Han Magar Milne Ki Khwaish Ko Barhaati Hain
Woh Boli, Saath Bandh Jaane Se Behtar Hai Bichar Jayein
Main Us Ki Baat Per Dukh Se Hansa Aur Kuch Nahi Bola
Woh Kehti Hai, Safar Mein Kyun Sitaare Saath CHalte Hain
Main Bola, Jis Tarah Darya Kinaare Saath Chalte Hain
Woh Mujh Se Poochti Hai, Chand Ki Basti Kahan Per Hai
Main Us Ki Baat Per Us Ehad Mein Hairaan Hota Hoon
Woh Mujh Se Poochti Hai, Kaun Sooraj Mein Sulagta Hai
Woh Mujh Se Poochti Hai, Aur Dil Ko Thaam Leti Hai
Woh Mujh Se Poochti Hai, Rooh Ki Larzish Ke Baare Mein
Main Kehta Hoon Ke Yeh To Be-Qarari Raqa Karti Hai
Woh Mujh Se Poochti Hai, Almiya Kya Cheez Hoti Hai
Main Kehta Hoon, Mohabbat Aur Nafrat Zindagi Aur Maut Hai Shayed
Woh Boli, Sawanon Mein Ab Woh Pehle Rang Kam Kam Hain
Main Bola, Ab Piya Bhi To Sukhi Ke Sang Kam Kam Hain
Woh Boli, Nain Kuch Kehte Hue Aksar Jhijhakte Hain
Main Bola, Dil Mein Bethe Chor Ko Rasta Nahi Milta
Woh Kehti Hai Ke Jhanjhar Ab Tumhein Mayil Nahi Karti
Main Kehta Hoon, Tumhein Ab Zindagi Qayil Nahi Karti
Woh Kehti Hai Ke Peele Phool Bhi Khushboo Nahi Dete
Main Kehta Hoon, Judai Theek Se Chubhti Nahi Dil Mein
Wo Kehti Hai, Mohabbat Hadson Ke Kheench Laati Hai
Main Kehta Hoon, Mohabbat Mo'jzon Ko Shakal Deti Hai
Woh Kehti Hai, Hawayein Pairh Se Manoos Hoti Hain
Main Kehta Hoon Ke Un Ke Darmiyan Rishta Purana Hai
Woh Kehti Hai, Sadayein Parbaton Se Laut Aati Hain
Main Kehta Hoon Un Ke Un Se Tukrana Nahi Aata
Woh Kehti Hai, Fizayein Husn Se Aabad Rehti Hain
Main Kehta Hoon, Agar Is Husn Ki Taqdees Baaqi Ho
Woh Kehti Hai, Wafayein Shehar Se Bezaar Kyunkar Hain
Main Kehta Hoon Ke Itne Chup Dar-o-Deewar Kyunkar Hain
Woh Kehti Hai, Ghatayein Dasht Ke Is Paar Kyunkar Hain
Main Kehta Hoon Ke Yeh To Pyaas Ki Apni Karamat Hai
Woh Boli, Aasmanon Ki Taraf Nazrein Nahi Uthteen
Main Kehta Hoon Ke Shayed Bojh Parta Hai Nigahon Per
Woh Kehti Hai, Zameend Pairon Ke Neeche Sard Kyunkar Hai
Main Kehta Hoon, Zameend Hum SE Bohat Naraz Rehti Hai
Kaha Us Ne, Meri Itraaf Mujh Ko Qaid Rakhti Hain
Kaha Main Ne Ke In Itraaf Se Bahir Nahi Kuch Bhi
Kaha Us Ne, Darakht Apni Jarhon Se Pyar Karte Hain
Kaha Main Ne, Jarhein Ik Roz In Ko Mar Deti Hain
Kaha Us Ne, KHUDA Ache Bure Ki Baat Sunta Hai
Kaha Main Ne, Use Aawaz Ki Pehchaan Aati Hai
Woh Boli, Main Chehakte Badalon Ki Gungunahat Hoon
Main Bola, Tum Mehakte Motiya Ki Muskurahat Ho
Woh Boli, Main Suhaane Mausamon Ke Geet Jaisi Hoon
Main Bola, Tum Haseen Dehatiyon Ki Pareet Jaisi Ho
Woh Boli, Main Chamakti Chandni Ke Rang Jaisi Hoon
Main Bola, Tum Mohabbat Ke Purane Jhang JAisi Ho
Woh Boli, Main Lehakti Wadiyon Ki Khushbuon Jaisi
Main Bola, Qaaf Ki Shehzadiyon Ki Khushbuon Jaisi
Woh Boli, Main Samandar Paar Ki Janat Se Aayi Hoon
Main Bola, Main Tumhaare Khaas Istaqbaal Ko Aaya
Woh Kehti Hai Ke Mujh Se Titliyan Bhi Pyar Karti Hain
Main Kehta Hoon, Unhein Tum Baagh Ke Phoolon Si Lagti Ho
Woh Kehti Hai, Mujhe Jugnoo Bhi Choone Ke Liye Aayein
Main Kehta Hoon, Tumhein Woh Chand Ki Mehmaan Samajhte Hain
Woh Kehti Hai, Meri Aawaz Ko Gunbad Taraste Hain
Main Kehta Hoon, Tumhari Bazgusht Mehrbaan Chahein
Woh Kehti Hain, Main Hans Doon To Fizayein Raqs Kar Uthein
Main Kehta Hoon, Tu Ro De To Ghatayein Raqs Kar Uthein
Woh Kehti Hai, Parinde Pyar Se Mujh Ko Bulate Hain
Main Kehta Hoon, Shajar Aksar Tere Qisse Sunate Hain
Woh Boli, Dard Aksar Raat Ko Soya NahI Karta
Main Bola, Is Tarah To Koi Bhi Rota Nahi Karta
Woh Boli, Hum To Ik Shaam-e-Ghareeban Ghar Mein Rakhte Hain
Main Bola, Karbala Waalon Se Kuch Nisbat Theharti Hai
Woh Boli, Dil Ki Veraani Ke Saye Cheekh Uthte Hain
Main Bola, Raat Ke Pichle Pehar Ik Jashan Hota Hai
Woh Boli, Dard Se Aksar Koi Aawaz Aati Hai
Main Us Se Poochta Hoon, Kaun Bichra Hai Jawani Mein
Woh Boli, Eik Deewar-e-Ana Hayil Rahi Ab Tak
Main Bola, Ab Talak Nuqsaad Bhi To Ho Chuka Kaafi
Woh Boli, Raat Ke Maathe Pe Teeka Hai Suhagan Sa
Main Bola, Han Yeh Peshani Anokhi Hai Zamane Mein
Woh B oli, Har Taraf Jangal Mein Ik Pazeb Bajti Hai
Main Bola, Har Taraf Chanchal Hawa Phirti Hai Bhagi Si
Woh Boli, Sardiyon Mein Dhoop Ki Hiddat Kabhi Dekhi
Main Bola, Tum Ne Mere Lams Ki Shiddat Kabhi Dekhi
Woh Boli, Baarishon Mein Shehar Dhal Jjata Hai Lamhon Mein
Main Bola, Han Magar Aankhein Bohat Thak Jaya Karti Hain
Woh Boli, Garmiyon Mein Pairh Ki Chaon Bulaati Hai
Main Bola, Garmiyon Mein Pairh Bhi Kaisi Panahein Hain
Woh Boli, Zaat Ko Taqseem Hi Karte Raho Ge Kya
Main Bola, Waqt Ke Apne Taqaze, Dil Ke Apne Hain
Woh Boli, Phir Palat Aaye, Chale To Phr Palat Aaye
Main Bola, Band Kooche Ka Safar Hai Zindagi Apni
Woh Boli, Har Sarak Jaati Hai Gham Ke Shehar KI Janib
Main Bola, Aur Agar Woh Shehar Apne DIl Mein Ho To Phir
Woh Boli, Gham Hamesha Saath Deta hai Museebat Mein
Main Bola, Ik Zara Thehr, Mujhe Ghor Se Dekho
Woh Boli, Kya Zaroori Tha Mujhe Tum Saath Hi Rakhte
Main Bola, Rooh Bin Main Jism Kya Karta, Kahan Jata
Woh Boli, Aa Gaya Hai Rateela Mausam Judai Ka
Main Bola, Main Tera Sehra Noord Mustaqil Thehra
Woh Boli, Rait Urti Hai To Aankhon Mein Bhi Parti Hai
Main Bola, Dard Ki Mari Hui Aankhon Ko Us Se Kya
Woh Boli, Soch Lo Is Dhoop Mein Kaante Baraste Hain
Main Bola, Yeh To Acha Hai Badh Per Phool Mehkein Ge
Woh Boli, Raat Zakhmon Per Bohat Teesein Bhi Barsein Gi
Main Bola, Zakhm Per Zakhmon Ki Seh Jaane Ki Adat Hai
Woh Boli, Aarzuon Ke Lahoo Ka Zayiqa Kya Hai
Main Bola, Talkh Hai Meeta Hai, Karwa Hai Raseela Hai
Woh Kehti Hai Ke Main To Maang Mein Sooraj Sajaongi
Main Kehta Hoon Ke Sooraj Ki Wazahat Ho Magar Pehle
Woh Kehti Hai, Main Apne Dil Mein Ik Deewar Uthaon Gi
Main Kehta Hoon Ke Main Is Baat Ka Matlab Nahi Samjha
Woh Kehti Hai, Main Aankhon Mein Koi Sehra Basaon Gi
Main Kehta Hoon Ke Benayi Jhils Jaye Gi Aise To
Woh Kehti Hai, Main Pairhon Per Tumhara Bakht Likhoon Gi
Main Kehta Hoon Ke Pairhon Se Adawat Hai Tumhein Koi
Woh Kehti Hai, Main Paani Per Tera Chehra Banaon Gi
Main Kehta HooN, Mujhe Lagta Hai Tera Dil Bhi Paani Tha
Woh Mujh Se Poochti Hai, Tum Kise Mujrim Samajhte Ho
Main Kehta Hoon, Use Jo Dard Ke Ma'ni Na Samjha Ho
Woh Mujh Se Poochti Hai, Jhoot Aur Sachaiyan Kya Hain
Main Kehta Hoon Ke Niyyat Aur Natayij Ki Pazerayi
Woh Mujh Se Poochti Hai, Sab Se Pehle Kaun Rehta Tha
Main Kehta Hoon Ke Andaza Ya Mafrooza Hi Mumkin Hai
Who Mujh Se Poochti Hai, Kaun Reh Jaye Ga Duniya Mein
Main Kehta Hoon Ke Bilkul Ik Nayi Aur Ajnabi Duniya
Woh Mujh Se Poochti Hai, Maut Ke Baare Mein Batao Ge
Main Kehta Hoon, Khat-e-Tanseekh Hai Aaghaz Se Pehle
Woh Mujh Se Poochti Hai, Jangalon Mein Kaun Rehta Hai
Main Kehta Hoon, Wohi Jo Shehar Mein Rehne Se Khayif Hain
Woh Mujh Se Poochti Hai, Aasmanon Se Pare Kya Hai
Main Kehta Hoon, Na Veraane Na Aabadi Na Barbadi
Woh Mujh Se Poochti Hai, Waqt Ko Tum Kya Samajhte Ho
Main Kehta Hoon Ke Har Ehsaas Ke A'dad Ki Ginti
Woh Mujh Se Poochti Hai, Kya KHUDA Ko Mante HO Tum
Mian Kehta Hoon, Yaqeenan Aur Use Mehsoos Karta Hoon
Woh Mujh Se Poochti Hai, Yeh Mazahib Ke Masail Kya Hain
Main Kehta Hoon Ke Duniya Ke Bare Logon Ki Baatein Hain
Woh Mujh Se Poochti Hai, Khwab Ki Ta'beer Ke Baare
Main Us Se Poochta Hoon, Aqal Ki Jageer Ke Baare
Woh Mujh Se Poochti Hai, Zindagi Ke Raaz Ke Baare
Main Us Se PoochTA Hoon, Dharkanon Ke Saaz Ke Baare
Woh Mujh Se Poochti Hai, Raat Aur Din Ki Musafat Kya
Main Kehta Hoon, Yeh Saaye Hain Kisi Qaidi Musafir Ke
Woh Mujh Se Poochti Hai, Hum Agar Kuch Bhi Nahi Hain To
Main Kehta Hoon, Nahi Hona Bhi Hota Hai JAhanon Mein
Woh Mujh Se Poochti Hai, Aqal Kya Hai Aur Dil Kya Hai
Main Kehta Hoon Ke Ik Ikhtelaaf Amal Paheem Hai
Woh Kehti Hai Ke Deewanon Ka Koi Kya Bharosa Hai
Main Kehta Hoon, Bharose Ke Liye Duniya Hi kYA Kam Hai
Woh Kehti Hai, Kisi Ko Mat Bata Dena Mere Baare
Mmain Kehta Hoon, Magar Ik Geet Ko Aur Chandni Shab Ko
Woh Kehti Hai, Suno Farhat, Mujhe Tum Se Mohabbat Hai
Main Kehta Hoon, Meri Jaan Tum To Khud Meri Rayazat Ho
Woh Kehti Hai, Yeh Saare Log Ktyun Baatein Banate Hain
Main Kehta Hoon, Meri Jaan Yeh Mohabbat Ka Muqadar Hai
Main Kehta hOON, Mohabbat Kayinaati Geet Hoti Hai
Woh Thora Gunguna Ke Aansuon Mein Doob Jati hAI
Woh Mujh Se Poochti Hai, Har Taraf Ik Be Kali Kyun Hai
Main Kehta Hoon, Koi Anjaam Aa Pohancha Hai Basti Mein
Woh Mujh Se Poochti Hai, Be Sarosamaan Kab Se Ho
Main Us Se Poochta Hoon, Is Qadar Nadaan Kab Se Ho
Woh Mujh Se Poochti Hai, Kaun Lawaris Hai Muqatil Mein
Main Kehta Hoon, Wohi Jo Qatal Karne Ke Liye Aaye
Woh Mujh Se Poochti Hai, Shehar Ki Halat Ka Kya Ho Ga
Main Kehta Hoon, Koi Din Mein Balayein Loot Jayeingi
Woh Mujh Se Poochti Hai, Karbala Kya Phir Bapa Ho Gi
Mmain Kehta Hoon, Nahi, Ab Is Qadar Tanha Nahi Koi
Woh Boli, Darrd Ke Us Paar Bhi Eik Dard Hota Hai....

Mujhe Har Kaam Se Pehle

Mujhe Har Kaam Se Pehle Mujhe Har Kaam Se Pehle

Sehr Se, Sham Se Pehle

Yahi Ek Kaam Karna Hai

Tumhara Naam Lena Hai

Tum Hi Ko Yaad Karna Hai

Ke Jab Bhi Dard Peena Hai

Ke Jab Bhi Zakhm Seena Hai

Gham-E-Duniya Se Ghabra Kar

Mujhe Jab Jaam Lena Hai

Tumhara Naam Lena Hai

Tum Hi Ko Yaad Karna Hai

Tumhari Yaad Hai Dil Mai

Ke Ik Sayyaad Hai Dil Mai

Koi Barbaad Hai Dil Mai

Usay Abad Karna Hai

Tumhara Naam Lena Hai

Tum Hi Ko Yaad Karna Hai

Kal hamesha ki tarah us ne kaha yeh phone par

Last Call

Kal hamesha ki tarah us ne kaha yeh phone par

Mai bohot masroof hun, mujh ko bohot se kaam hain

Is liye tum aao milne, mai to aa sakti nahi

Har riwayat torr kar is baar mai ne keh diya

Tum jo ho masroof to mai bhi bohot masroof hun

Tum jo ho mashoor to mai bhi bohot maroof hun

Tum agar ghamgeen ho, mai bhi bohot ranjoor hun

Tum thakan se choor to mai bhi thakan se choor hun

Jaan-e-man hai waqt mera bhi bohot hi qeemti

Kuch puraane doston ne milne aana hai abhi

Mai bhi ab farigh nahi, mujh ko bhi laakhon kaam hain

Warna kehne ko to sab lamhe tumhare naam hain

Meri ankhen bhi bohot bojhal hain, sona hai mujhe

Ratjagon ke baa dab nendon mai khona hai mujhe

Mai lahoo apni anaa’on ka baha sakta nahi

Tum nahi aateen to milne mai bhi aa sakta nahi

Us ko yeh keh ke WASI mai ne receiver rakh diya

Aur phir apni anaa ke paoon pe sar rakh diya…!!

Khayal rakhna Adhuri baaten hi zindagi hain

Khayal rakhna

Adhuri baaten hi zindagi hain

Wo guzri baaten hi zindagi hain

Agarcha dil ki udaas ujri hui raaton mai

Bikhar gai hain

Kai zamanon se saari baaten

Wo guzri baaten

Sulagti shaamon ke jalte bujhte alaao hi mai

Pighal gai hain

Aduri baaten…….

Zaroori baaten

Yeh khushk hoti hui raggon ki siyah qabron mai neem-murda

Dasi hui khuwahishon ke hamrah

Goundhi hui hain

Yeh aankh ki putliyon mai thak ke

Khatakti palkon pe so gai hain

Tamaam baaten durust janaa

Tamaam khadshe baja hain lekin

Har aik imkaan zindagi mai

Ragon mai aur rooh ki zindagi mai

Inhi ki yaaden bhatak rahi hain

Inhi ke dum se zaeef jazbon, thitharte lafzon

Bujhi tamannaon mai ramaq hai

Adhuri baaten hi zindagi hain

Wo guzri baaten hi zindagi hain

Khayal rakhna………..!

Adhuri baaten bhula na dena

Wo guzri baaten bhula na dena

Khayal rakhna

Khayal rakhna………..!!

Kash Mai Tere Haseen Hath Ka Kangan Hota

Kash Mai Tere Haseen Hath Ka Kangan Hota

Tu Bare Pyaar Se, Chao Se, Bare Maan Ke Saath

Apni Nazuk Si Kalaii Mai Charhaati Mujh Ko

Aur Be-Taabi Se Furqat Ke Khizaan Lamhon Mai

Tu Kisi Soch Mai Doobi Jo Ghumati Mujh Ko

Mai Tere Haath Ki Khushboo Se Mehek Sa Jata

Jab Kabhi Mood Mai Aa Kar Mujhe Chuma Karti

Tere Honton Ki Mai Hiddat Se Dehek Sa Jata

Raat Ko Jab Bhi Tu Nendon Ke Safar Par Jati

Marmareen Haath Ka Ik Takiya Banaya Karti

Mai Tere Kaan Se Lag Kar Kai Baaten Karta

Teri Zulfon Ko Tere Gaal Ko Chuma Karta

Jab Bhi Tu Band Qiba Kholne Lagti Janaa

Apni Ankhon Ko Tere Husn Se Kheera Karta

Mujh Ko Be-Taab Sa Rakhta Teri Chahat Ka Nasha

Mai Teri Rooh Ke Gulshan Mai Mehekta Rehta

Mai Tere Jism Ke Aangan Mai Khanakta Rehta

Kuch Nahi To Yahi Be-Naam Sa Bandhan Hota

Kash Mai Tere Haseen Hath Ka Kangan Hota

Jo Meri Aankhon Se Khuwab Dekho

Jo Meri Aankhon Se Khuwab Dekho

Jo meri aankhon se khuwab dekho

To ek shab bhi na so sako ge

Ke laakh chaho na hans sako ge

Hazar chaho na ro sako ge

Ke khuwab kiya hain azaab hain yeh

Mere dukhon ki kitaab hain yeh

Rifaaqaten in mai chot’ti hain

Mohabbaten in mai roothti hain

Panapti hain in mai wehshaten si

Azeeayaten in mai phoot’ti hain

Inhi ke dar se khizaan hain jazbe

Inhi se shaakhen si toot’ti hain

Ghamon ki bandish hain khuwab mere

Dukhon ki barish hain khuwab mere

Ubal raha hai dukhon ka laawa

Raheen-e-aatish hain khuwab mere

Khayal saare jhulas gaye hain

Sulagti khuwahish hain khuwab mere

Ukharti saansen hain zindagi ki

Lahoo ki saazish hain khuwab mere

Jo meri aankhon se khuwab dekho

To ek shab bhi na so sako ge

Ik Baar Kaho Tum Meri Ho

Ik Baar Kaho Tum Meri Ho

Hum Ghoom Chuke Basti Ban Mai
Ik Aas Ki Phaans Liye Mann Mai
Koi Sajan Ho, Koi Pyaara Ho
Koi Deepak Ho, Koi Taara Ho
Jab Jeewan Raat Andheri Ho
Ik Baar Kaho Tum Meri Ho

Jab Sawan Baadal Chaaye Hon
Jab Phagan Phool Khilaaye Hon
Jab Chanda Roop Lutaata Ho
Jab Suraj Dhoop Nahaata Ho
Ya Shaam Ne Basti Gheri Ho
Ik Baar Kaho Tum Meri Ho

Haan Dil Ka Daman Phaila Hai
Kiyu Gori Ka Dil Maila Hai
Hum Kab Tak Peet Ke Dhoke Mai
Tum Kab Tak Dor Jharoke Mai
Kab Deed Se Dil Ko Sairi Ho
Ik Baar Kaho Tum Meri Ho

Kiya Jhagra Sood Khasaare Ka
Yeh Kaaj Nahi Banjaare Ka
Sab Sona Ropa Le Jaye
Sab Duniya, Duniya Le Jaye
Tum Ek Mujhe Bohteri Ho
Ik Baar Kaho Tum Meri Ho

Farz Karo

Farz Karo

Farz karo ham ahl-e-wafa hon, farz karo deewaane hon,

Farz karo yeh dono baatain jhooti hon, afsaane hon

Farz karo yeh nain tumhare, sach much ke meh-khane hon,

Farz karo tumhen khush karne ke dhoondhe ham ne bahane hon

Farz karo yeh jee ki bipta jee se jor sunai ho

Farz karo abhi aur ho itni, aadhi ham ne chupai ho

Farz karo yeh jog be-jog ka, dhong hi ham ne rachaya ho,

Farz karo bas yahi haqeeqat, baqi sab kuch maya ho

Farz karo yeh rog ho jhoota, jhooti peet hamari ho,

Farz karo is peet ke rog mai saans bhi ham pe bhari ho.

Tum Ne Dekha Hai Mujhe

Tum Ne Dekha Hai Mujhe
Tum Ne Murjhaaye Hue Phool Kabhi Dekhe Hain
Dil Ki Qabron Pe Pare......
Hijr Ki Laash Ki Aankhon Pe Dhare
Tum Ne Uktaaye Hue Khuwab Kabhi Dekhe Hain
Dard Ki Palkon Se Lipte Hue
Ghabraaye Hue
Tum Ne Be-Chain Duaaen Kabhi Dekhi Hain
Mohabbat Ke Kinaaron Pe Bhatakti Phirti
Tum Ne Dekha Hai Mujhe
Kiya Kabhi Dekha Hai Mujhe

Be-Tahasha Hai Tujhe Yaad Kiya

Be-Tahasha Hai Tujhe Yaad Kiya

Aur Bhulaaya Bhi Bohot Hai Tujh Ko

Sari Ronaq Hi Tere Dum Se Hai

Aur Tere Bikhre Hue Gham Se Hai

Jis Qadar

Mai Ne Ta’aluq Tera Mehsoos Kiya

Itni Gehraai To Roohon Mai Hua Karti Hai

Itni Yaktaai Kahan Milti Hai

Faasley Wuqat’ten Kho Bethe Hain

Doorian Pheeki Pareen

Itni Shiddat Se Tujhe Socha Hai

Itni Shiddat Se Tujhe Chaha Hai

Shiddatein Ishq Ki Meraaj Hua Karti Hain

Mohabbat Kam Nahi Hogi

Mohabbat Kam Nahi Hogi

Tumhari Talkhiyon Se

Aur Tumhare Na-Tarashida Rawayyon Se

Tumhari Choti Choti Ranjishon Se

Aur Bari Narazgi Se Bhi

Mohabbat Kam Nahi Hogi

Tumhare Shehr Bhar Se Dil Laga Lene Ki Aadat Se

Tumhari Be-Wafai Se

Tumhari Be-Hisi Se Bhi

Mohabbat Kam Nahi Hogi

Anaa Ka Darmiyan Aa Kar

Kai Be-Saakhta Jazbey Achanak Maar Jane Se

Dilon Ko Zaat Par Se Waar Jane Se

Kisi Basti Mai Jaa Basne

Kisi Sehra Mai Rasta Bhool Jane

Ya Samandar Paar Jane Se

Mohabbat Kam Nahi Hogi

Kisi Ke Jeet Jane Se

Kisi Ke Haar Jane Se

Mohabbat Kam Nahi Hogi

Mohabbat Ki Dosri Adhuri Nazm

Mohabbat Ki Dosri Adhuri Nazm
Mohabbat Zaat Hoti Hai
Mohabbat Zaat Ki Takmeel Hoti Hai
Koi Jungle Mai Jaa Thehrey
Kisi Basti Mai Bas Jaye
Mohabbat Saath Hoti Hai
Mohabbat Khushbooun Ki Ley
Mohabbat Mosamon Ka Dhan
Mohabbat Aabshaaron Ke Nikharte Paaniyon Ka Mann
Mohabbat Jungalon Mai Raqs Karti Morni Ka Tan
Mohabbat Barf Parti Sardiyon Mai Dhoop Banti Hai
Mohabbat Chilchilaatey Garm Sehraaon Mai Thandi Chaaon Ki Manind
Mohabbat Ajnabi Duniya Mai Apne Gaon Ki Manind
Mohabbat Dil
Mohabbat Jaan
Mohabbat Rooh Ka Darmaan
Mohabbat Moorti Hai
Aur Kabhi Jo Dil Ke Mandir Mai Kahin Per Toot Jaye To
Mohabbat Kaanch Ki Guriya
Fizaaon Mai Kisi Ke Haath Se Gar Choot Jaye To
Mohabbat Aabla Hai Karb Ka
Aur Phoot Jaye To
Mohabbat Rogg Hoti Hai
Mohabbat Sogg Hoti Hai
Mohabbat Shaam Hoti Hai
Mohabbat Raat Hoti Hai
Mohabbat Jhilmilaati Aankh Mai Barsaat Hoti Hai
Mohabbat Nend Ki Rut Mai Haseen Khuwabon Ke Raston Par
Sulagtey, Jaan Ko Aate, Rat’jagon Ki Ghaat Hoti Hai
Mohabbat Jeet Hoti Hai
Mohabbat Maat Hoti Hai
Mohabbat Zaat Hoti Hai

Ek Din Chaand Se Bicharna Hai

Ek Din Chaand Se Bicharna Hai

Ek Din Chaand Se Bicharna Hai

Aankh, Taqdeer Aur Ta’aluq Jo

Jaane Kis Doosre Ke Bas Mai Hain

Saanp Ban Ban Ke Daste Rehte Hain

Apni Saanson Mai Dobte Dil Ko

Chaand Jis Tarz Ka Musafir Hai

Hijr Hi Hai Ke Jo Paraao Mai Hai

Bas Judaai Ko Hai Thehr Jana

Hum To Shikwa Bhi Kar Nahi Sakte

Aur Tanhaaiyon Se Shikwa Kiya

Chaand Be-Chainiyon Ka Mosam Hai

Beet Jane Pe Bhi Hamesha Hi

Apne Aasaar Chor Jata Hai

Yeh Meri Aankh Ke Sulagte Hue

Zard-Ro Aeinon Ki Nam-Naaki

Sab Issi Dard Ki Nishaani Hai

Yeh Mera Be-Sabab Hi Khush Rehna

Sab Issi Gham Ki Azmaish Hai

Ek Khuwahish Hai Jis Ko Marna Hai

Ek Jeewan Jise Ujarna Hai

Ek Din Chaand Se Bicharna Hai

Jab Aankh Main Aanson Aate Hain

Jab Aankh Main Aanson Aate Hain
Jab Dil Ki Dharkan Roti Hai
Jab Dur Kahin Sannaton Main
Ek Chaap Si Koi HOti Hai
Jab Mann Main Aanso Girte Hain
Dukh Hanste Hain Dukh Hanste Hain
Jab Door Koi Koyal Bole
Jab Bhipri Moujen Mil Jain
Jab Pairr Se Patte Gir Jain
Jab Man Hi Man Main Aksar Hum
Subho Shaam Sulagte Hain
Dukh Hanste Hain Dukh Hanste Hain
Jab Raat Ke Saaye Dhalte Hain
Or Punchi Pankh Andhere Main
Ghar Lout Ke Aya Karte Hain
Phir Hum Jese Dewane Log
Prem Ki Aag Main Jalte Hain
Dukh Hanste Hain Dukh Hanste Hain
Jab Takia Akser Raaton Ko
Raazon Ka Bojh Uthata Hai
Jab Bichre Waqt Ki Zaad e Saman
Aankhon Ka Bojh Ghatata Hai
Jab Lab Apas Main Milte Hain
Dukh Hanste Hain Dukh Hanste Hain
Jab Waqt Ke Kore Kaghaz Per
Bas Rang Bharna Rehta Hai
Or Sang Chalna Rehta Hai
Phir Apne Sath Samandar Paar
Door Kahin Ja Baste Hain
Dukh Hanste Hain Dukh Hanste Hain..

Ek Saal Purana Qissa Hai

Ek Saal Purana Qissa Hai

Ek Larka Tha Dewana Sa

Karta Tha Manmana Sa

Woh Shokh Shokh Chanchal Sa

Mehka Mehka Pagal Sa

Ek Roz Muhabbat Kar Betha

Or Ab Ke Saal Ka Qissa Hai

Ab Woh Maazi Ka Hissa Hai

Woh Pyar Pe Jaan Ko Waar Gaya

Or Apne Aap Ko Maar Gaya

Saare Jag Se Jeet Gaya

Bas Apne Aap Se Haar Gaya..

Maine Ek Pal Ko Tera Naam Liya Tha Shayed

Maine Ek Pal Ko Tera Naam Liya Tha Shayed
Neend Naraz Rahi Raat Meri Aankhon Se
Khuwab Zaaron Ka Tasawur Bhi Hoa Khuwab Numa
Dil Ki Hartaal Hoi Dard Ki Ahat Jese
Soch Main Khilne Lage Phol Kayi Maazi Ke
Titliyon Jese Kayi Lafz Mujhe Yaad Aye
Teri Awaaz Ki Khushbo Tere Lehje Ki Khanak
Teri Aankhon Ki Shararat Tere Honton Ki Mehek
Tere Bole Hoye Jumlon Ki Woh Khamosh Kasak
Dair Tak Raat Rahi Phir Teri Yaadon Ki Dhanak
Kitne Aanson Mere Lafzon Main Dhale Yaad Nahi
Kab Talak Yaad Ke Yeh Deep Jale Yaad Nahi
Maine Ek Pal Ko Tera Naam Liya Tha Shayed
Neend Naraaz Rahi Raat Meri Aankhon Se..

Samandar Pochta Hai Ab Woh Dono Kyun Nahi Aate

Samandar Pochta Hai Ab Woh Dono Kyun Nahi Aate
Woh Dono Jo Bheegi Raat Per
Ek Dusre Ka Haath Thame Dur Tak
Kabhi Hanste Kabhi Kuch Gungunate
Ya Kabhi Chup Chap Bethe Dur Ufaq Ki Gud Main
Roposh Hone Wala Suraj Dekhte
Aanso Bahate Lout Jate
Samandar Pochta Hai Ab Woh Dono Kyun Nahi Aate
Jo Aate The To Apne Sath Kitne Khuwab Late The
Kabhi Saahil Se Dheron Seepiyan Chunte The
Nange Paon Paani Main Chale Aate The
Bheegi Rait Se Nanne Gharonde Bhi Banate The
Or Un Main Seepiyan Rangeen Se
Kuch Sangreeze Yun Sajate The
Ke Jese Aaj Ke Jugnu Se Lamhe!
Aane Wale Kal Ki Mutthi Main Chupate The
Samandar Pochta Hai Ke Ab Woh Dono Kyun Nahi Aate
Magar Samandar Ne Khiza Ki Siskiyan Leti Hui
Ek Sham Ko Woh Nojavan Ko Nahi Dekha
Jo Dair Tak Tanha Sar e Sahil Raha Betha
Phir Us Ne Dher Sare Khat
Bohot Se Phool Sokhe Or Tasveeren
Or Apne Aakhri Aanson!
Samandar Ke Hawale Kar Diye..

Usse Kehna.. Mujhe Ek Nazm Likhni Hai!

Usse Kehna..

Mujhe Ek Nazm Likhni Hai!

Sunehri Dhoop Ke Jaisa Tera Rang O Roop Ujla Sa

Dhuli Barish Se Dekho To Haseen Piyare Nazaren Hain

Falak Ke Istiyare Hain

Yeh Teri Aankh Jaise Hain

So In Sab Per

Mujhe Ek Nazm Likhni Hai

Usse Kehna Murree Ki Jhoomti ChanChal Hawaon Si

Teri In Shokh Zulfon Per

Mujhe Kuch Shair Kehne Hain

Nasheeli Aankhon Main Teri Sharabon Ki Si Masti Hai

Teri Narm Palkon Per Yeh Jitne Bhi Sitaare Hain

Mujhe In Sab Ko Chona Hai

Tere In Band HOnton Main Chupi Jo Muskurahat Hai

Yehi To Shairy Hai Bas

Mujhe Ek Nazm Likhni Hai

Usse Kehna

Teri Aankhen Bohot Kuch Bolti Hain

Teri Baaten Shehed Sa Gholti Hain

Yeh Phoolon Per Giri Shabnam Tere Gaalon Ke Jaisi Hai

Chamakti Chandni Jaisi Teri Roshan Jabeen Per Bhi

Mujhe Ek Nazm Likhni Hai

Ghani Shaakhon Ke Patton Main Chupa WOh Chand Piyara Sa

Tere Chehre Ke Jaisa Hai

Tere Is Chand Chehre Per Mujhe Kuch Shair Kehne Hain

Usse Kehna!!

Mujhe Ek Nazm Likhni Hai

Kisi Bhi Khobsorat Shaam Main Milne Chale Aaye..

Abhi Ek Khuwab Baqi Hai..

Abhi Ek Khuwab Baqi Hai..

Abhi Jugno Nahi Rothe
Abhi Aanso Nahi Tote
Abhi Suraj Nahi Jaga
Abhi Taaren Nahi Dobe
Abhi Mehtaab Baqi Hai

Abhi Ek Khuwab Baqi Hai

Abhi Manzil Nahi Ayi
Abhi Rasta Nahi Tehra
Abhi Jangle Nahi Guzra
Abhi Dariya Nahi Utra
Abhi Girdaab Baqi Hai

Abhi Ek Khuwab Baqi Hai

Abhi Tofan Nahi Tehra
Abhi Ankhon Main Jalthal Hai
Abhi Seene Main Halchal Hai
Abhi Khirki Main Baarish Hai
Abhi Kamre Main Badal Hai
Abhi Barfaab Baqi Hai

Abhi Ek Khuwab Baqi Hai

Abhi Qissa Adhura Hai
Abhi Puri Kahani Hai
Abhi Sara Budhapa Hai
Abhi Adhi Javani Hai
Abhi Us Paar Jana Hai
Abhi Jheelon Main Pani Hai
Abhi Raste Main Daldal Hai
Abhi Payaab Baqi Hai

Abhi Ek Khuwab Baqi Hai
Abhi Ek Khuwab Baqi Hai..

Tanhayi

Tanhayi

Sukouwatay Shab Hai
Tanhayi hai
Lekin aisi Tanhayi
Keh jis mein gounjti rehti hein sari unkahi baatein
Jo dil mein shour karti hein
Lekin keh nahi paatay
Kisi ke door jatay paon ki halki si woh aahat
Kabhi Patton ki khad khad mein
Kisi ke loutnay ka shaq
Kabhi Beetay paloon ki goonj
Kabhi Madham si sargoushi
Kabhi apnay hi ander chal rahi aandhi ki awazayein
Sukouwatay Shab Hai Tanhayi hai
Lekin aisi Tanhayi
Keh jesay door tak phaila hua awazoon ka ek jangal

MUHABAT AAKHRI HAI KIA???

MUHABAT AAKHRI HAI KIA???


Me Shaair Hoon To Akser Loog Mujh Se Pochtey Hein
Is Haseen Israar K Baare
Bataain To Bhala Kia Hai?
Muhabat Aakhrish Hai Kia?
Wasi Me Hans K Kehta Hoon
Kisi Pyase Ko Apne Hissey Ka Paani Pilana Bhe
Muhabat Hai
Bhanwar Me Doobte Ko Saahiloon Tak Le K Jana Bhe
Muhabat Hai
Kisi K Waaste Nanhi Si Qurbani Muhabat Hai
Kaheen Hum Raaz Saare Khool Saktey Hoon Mager Phir Bhe
Kisi Ki Bebasi Ko Dekh Ker Khaamosh Reh Jana
Muhabat Hai
Ho Dil Me Dard, Weraani Mager Phir Bhe
Kisi K Waaste Jabran He Hoonto Per Hansi Laana
Zaberdasti He Muskana
Muhabat Hai
Kaheen Barish Me Seh'me, Bheegte Billi K Bachey Ko
Zara Si Deir Ko Ghar Ley K Aana Bhe
Muhabat Hai
Koi Chirya Jo Kamre Me Bhatakti Aan Nikli Ho
To Us Chirya Ko
Pankhey Band Ker K Raasta Bahir Ka Dikhlana
Muhabat Hai
Kisi K Zakhm Sehlana
Kisi Rotey Huwe Ke Dil Ko Behlana
Muhabat Hai
K Meetha Bool , Meethi Baat, Meethey Lafz, Sab Kia Hain?
Muhabbat Hai
Muhabat Aik He Bas Aik He Insaan Ki Khatir
Magan Rehna
Hama Waqt Us Ki Batoon, Khushbowoon Me Dolna Kab Hai
Muhabat Us Ki Zulf K Bul Kholna Kab Hai
Muhabat K Hazaaron Rang
Laakhon Ista'aarey Hein
Kisi Bhe Rang Me Ho Yeh
Mujhey Apna Banati Hai
Yeh Mere Dil Ko Bhaati Hai

Na'qaabil.......??? Hukum-e-Rabbani howa

Na'qaabil.......???
--------------

Hukum-e-Rabbani howa
farishta-e-ajl tayyaar khara
eradah-e-safr liae
par tol raha tha
barq raftaari se kuch zayadah
teiz raftari se
safr pe rawan dawan howa

os lamaha main
sone ka erdaha liae
amaal ke sikkay tol rahi thi
'Laahaul wala quwwata'
ka kalma perh rahi thi
'Subhan Teri Qudrat
Wahdahu laa Shareek hae tu'
ye bol rahi thi
achanuk noor ka badal
ser pe chhaaya....aur

main jaa chuki thi......

meri maiz pe
rakhi diary ke
aek safhay pe
likha tha.............

nazm.....
" Na'qaabil-e-tehreer mout "

Yar-Ghamaal Mohabat

Yar-Ghamaal Mohabat


Mohabat krtey Rehney ka Wada

Aur wo bhe Ghair-mashrooot...!!!

Mohabat mein Khud-Gharzzi kaisi

Keh Yar-Ghamaal ker lia mere apne-Pan ko

Yar-kaan sa ho gia merey Jazbo'n ko

Yak-musht maar dia Mohabato'n ko

Apni marzi ki Bandook meri Kan-pati pe rakhi

Aur Kaha....

"Jaisa main Kehta Jaon
Waisa hee Karti Jao...!! "

ABHI WAQT HE MUJHY CHOR JA....

Abhi waqt he mujhy chor ja
abhi maslihat ka moqam he,
abhi Qafilon ka Qayam he,
abhi dastaras main he zindagi,
abhi chashm-e-Num main he roshni,
abhi naqsh-e-paa ko sabat he,
abhi kuch hi der ki baat he,

ABHI WAQT HE MUJHY CHOR JA....

abhi gard raah se uree nahi,
abhi kirchiyoN main baty nahi,
abhi hur nazara haseen he,
abhi shab-e-No ka yaqeen he,
abhi hum kinaroN per hen khary,

ABHI WAQT HE MUJHY CHOR JA....

ye safar nahi azaab he,
yahan her qadum pe sarab he,
yahaN bud goomani ka raaj he,
yahaN be wafai riwaaj he,
abhi hosh khony k din nahi,
abhi tery rony k din nahi,

ABHI WAQT HE MUJHY CHOR JA...

abhi sari nagri andher he,
abhi din nikalny main der he,
abhi behr-e-ishq main na utar,
abhi shahar sara he be khabar,

ABHI WAQT HE MUJHY CHOR JA..
ABHI WAQT HE MUJHY CHOR JA..

Ab So jao Kyon Raat Kii Rait Pe Bikhrey hoye

Ab So jao
Kyon Raat Kii Rait Pe Bikhrey hoye
Taaron Ke Kankar Chuntey ho?
Kyon Sanaatey Kii Salwat Mein
Liptii Aawaazien Suntey ho
Kyon Apni Pyaasii Palkon Kii Jhalar Mein
Khwaab Pirotey ho
Kyon Rotey ho?

Ab kon tumharii Aankhon Mein
Sadiyon Kii Neend Undailey Ga
Ab kon tumharii Chahat Ki
Haryaali Mein Khil Khilaye Ga
Ab kon tumhari tanhaii Ka
Un-Daikha dukh Jhailey Ga

Ab Aisa hAi

Yeh Raat musalat hai jAb Tak
Yeh Shammien jab Tak jalti hein
Yeh Zakham Jhaan Tak Chubtey hein
Yeh Saansien jab Tak Chalti hain

tUm Apni Soch Ke jungle Mein Raah Bhatko Aur Kho jao
Ab So jao

Kabhi Aisa Bhi Hota Hai,

Kabhi Aisa Bhi Hota Hai,
Ke Jinke Chalon Pe HuM
Apni KisMat Ki Buniyadein Rakhte Hai,
Wo Taare Toot Jaate Hai,
Wo DaaMan Chhut Jaate Hai,
Kabhi Aisa Bhi Hota Hai
Ke Ye Toote Hue Taare
Phir Se JagMagate Hai,
Musafir Laut Aate Hai,
Kabhi Aisa Bhi Hota Hai,
Ke WaQt Ke Sagar Se HuM
Yaadon Ke Jo Kuch AnMol Se Moti,
Dilke Dhage Mein Pirote Hai,
GaMse Jalne Lagte Hai,
Phir Bikharne Lagte Hai,
Ke Ye Bikhre Hue Moti
Phir Se Jud Bhi Jaate Hai,
Kabhi Aisa Bhi Hota Hai,
Ke Raste Hi Main Kahin Pe,
Manzil Kho Si Jaati Hai,
KadaM Badhate Hi Rehte Hai,
HuM Chalte Hi Rehte Hai
Lekin Fasle Kisi Bhi Tarahse,
KaM Nahi Hote,
Aur Kabhi Aisa Bhi Hota Hai,
Ke HuM Khudko Tok Bhi Dein To
KadMon Ko Rok Bhi Dein To,
Manzar Badalne Lagte Hai,
Yakin Jaano Ye Sab Sach Hai,
Kabhi Aisa Bhi Hota Hai,
Ke Dil Ro Ke Bhi Hasta Hai,
Ke Dil Hans Ke Bhi Rota Hai,
Kabhi Aisa Bhi Hota Hai,
Haan
Kabhi Aisa Bhi Hota Hai...

Sabhi insan hain mager

Sabhi insan hain mager
Faraq sirf itna hay
Kuch zakham dety hain
Kuch zakham bharty hain
Humsafar
Boht hain
Mager
Farq sirf itna hay
Kuch sath dety hain
Kuch chor dety hain
Piyar
Sabhi kerty hain
Mager
Farq sirf itna hay
Kuch jaan dety hain
Kuch jaan lety hain
Dosti
Sabhi kerty hain
Mager
Farq sirf itna hay
Kuch loog nibhatay hain
Kuch loog aazmatay hain

Tumhara Dil Jo Hai Janaa

Tumhara Dil Jo Hai Janaa
Humare Naam Ker Daina
Zaroorat ger Pari Mujh Ko
To Main Kuch Or Mangon ga
Na Jaan Maangon ga
Na Pehchaan Mangon ga
Choti Si Guzarish Hai
Tumhara Sath Maangon ga
Ager Naraaz Ker Doge
Main Tum Se Rooth Jaon Ga
Bulana B Ager Chaho
To Wapis He na Aaon ga
Main Hasaas Larka Hon
Mera Dil Toot Jayega
Bohut Rona B Aayega
Ager Tum Maan Jaoge
Khushi Se Jhoom Jaonga
Tumhe Apna Banaonga
Ager Nazer E Karam Ho To
Mera Ik Kaam Ker Daina…..!
Tumhara Dil Jo Hai Janaa
Humare Naam Ker Daina………

Milan ki aarzoo krna

Milan ki aarzoo krna
Safar ki justajoo krna
Jo tum mayoos ho jaao
Toh mujh se guftagoo krna
Yeh aksar ho bhi jata hay
Kay koi kho bhi jata hay
Muqaddar ko satao gay
Toh phir yeh so bhi jata hay
Agar tum hosla rakho
Wafa ka silsala rakho
Jo tum se pyar kar bethey
Toh us sey rabta rakho
Main yeh daaway sey kehta hoon
Kabhi nakaam na ho gay
Muhabbat ko samjh jaao
Kabhi badnaam na ho gay

Mujhe arzoo e sehar rahi

Mujhe arzoo e sehar rahi
Yuhi raat bhar bari dair tak
Na bikhar saka na simat saka
Yuhi raat bhar bari dair tak
Tha bohat azab aur akale hum
Shab e gham bhi meri tweel ter
Rahi zindagi bhi sraab aur
Rahi ankh tar bari dair tak
Yahain her taraf hai ajab samah
Sabhi khud pasand sabhi khud numa
Dil e beqarar ko na mil saka
Kohi chara gar bari dair tak
Mujhe zindagi hai aziz tar
Issi waste mere hamsafar
Mujhe qatra qatra pila zahar
Jo kare asar bari dair tak….

Iss baras phir se

Iss baras
phir se
ussi mosam mein
meri jholi mein
phir se ghum hona
meri aankhon ka
phir se num hona
muje ye sochne pe
majboor karta hai
k
dukhon ki iss baarish mein
muje rulaane ki iss saazish mein
mere kai dushmano ki
jo haamil hai
yeh mosam b
to shaamil hai

Rafaqton ki haseen rut main,

Rafaqton ki haseen rut main,
Mohabaton k gulab sary,
Wafa ki dori se bandh rkhna,
K Raston main bikhar na jain,
Ek rasty k 2 musafir,
Khayal rakhna bichar na jayn,
Ye jhilmilaty sy chand tary,
Ye muskuraty sy phool sary,
Neelgun se ye rang-e-fitrt,
Shafaq ki lali subah ka anchal,
Gulabi mosam
Ye urrta badal,
Gawah hain meri mohabaton k,
Faqat hai itna hi tum sy kehna,
Mujhe wafa ki saza na dena,
Yad rkhna hamesha muj ko,
"KBHI BHI MUJ KO BHULA NA DENA"...

Mery ishq ko na nidhal kr

Mery ishq ko na nidhal kr
Kabi beyhijab visal kar
Meri ankh ko benai day
Mairy qalb ko ujal kar
Mujy dars day fana ka
Maira ishq mai bura hal kar
Mujy day saza koi sakht see
Mujy is jahan mai misal kar
Meri asal sorat bigar day
Kisi ishq bhatti mai dal kar
Mujy be pila koi aysi sha
Kabi meri ankhin be lal kar
Wo jo us jahan mai halal hay
Kabi is jahan mai halal kar
Teri talab mai hon darbadr
Kabi is simt b khayal kar!

Wo Aadmi aam sa

wo Aadmi aam sa
ik qissa na tamaam sa
na lehja bemisaal hai
na baat main kamal hai
hai dekhny main aam sa
udasiyon ki shaam sa
jaisy ik raaz hai
khud se beniaz hai
na mahjabinon se rabaat hai
na shohraton ka khabt hai
ranja na qais hai
insha na faiz hai
wo pekar e ikhlas hai
wafa dua aur aas hai
wo shaks khud shanas hai
tum hi karo faisala
wo Aadmi hai aam sa?
ya phir boht hi khas hai

Main ne theek kiya naa????

Main ne theek kiya naa????

Kehtay hain jab ghar mai achanak
Aisi aag bharak uthay
Jo chashm-e-zan mai
Har ik shay ko apni
Lapait mai lay lay
Aag bujhana mushkil ho...
aur
Ghar ka asasa us se bachana namumkin ho
toa
Aik hi rastaa reh jata hai...!
Ghar ki sab se qeemti chezain haath mai lo
Aur
Us se dur nikal jaao!

Meray dil mai bhi aisi hi aag lagi thi
Main ne jaldi jaldi Ankh mai teray
Bujhty khawab samaitay
Teri yaad kay tukray
Chun kar dehaan mai rakhay
Aur
Us aag mai ...
Dil ko jaltaa choar ky
Duur nikal ayaaaa.....

MAin ne Theek Kiyaa Naaa...???

Ab tum kehtay ho hisab do…

Ab tum kehtay ho hisab do…
jab un ginat saatain beet gayen
jab ankhon key behtay darya banjar huay
jab sapnon key sab hi rastay jam huay
Ab tum kehtay ho hisab do??
ab jab dhoop raat gaye rehti hay
jab gham tanhai ka saathi hay
jab apna saya dhoop sey bachata hay
Ab tum aye ho?
Ab tum kehtay ho hisab do??
woh jo chand lamhay ki khushi the
rooth gaye
mein ney muskrahtein bhi beech dein
yadon key dareechay per asaiab ka saya hay
hadyon key is panjar mein rooh ik awara hay
koi sapna nahin raha
koi apna nahin raha
saath ka koi asra nahin raha..
Ab jab tum aye hi ho
tu yeh bhi sun lo
zindagi guzar chuki hay
or rait key is ghar mein
zameen talay dabi
faqat ik pukar goonjti hay
tum ab aye ho??
Ab tum kehtay ho hisab do?

Suno acha nahi hathon ki lakeeron say ulajna

suno acha nahi hathon ki lakeeron say ulajna
suno acha nahi hathon ki lakeeron say ulajna
dil ki dharkan ko jhutlana piyar ki batoon say ghabrana
uski yaad main gum rehna aur ik lafz na tum kahna
udaas din udaas raaat tanha tanha yun jeena
mannat mangna aur diye jalana
ashkon ko apnay yun bahana
woh jub samnay aye too chup chup k usko dekhna
woh jub chala jaye to uski ahhat ko panaa
sunooo acha nahi hathon ki lakeeron say ulajhna
sunoo acha nahi muhabbat main adhi raah say palatna
gar muhabbat hai too izhaar karooo
apnay dil ko na tum bayzar karoo
waqt kab thama hai jo ab thamay ga
woh kab mila tha jo ab milay ga
buss ik soch main gum rehna
ik tarfa muhabbat main na tum rehna
suno acha nahi hathon ki lakeron say ulajna !

Is taraah ki batoon say...

Eis taraah ki batoon say...
Manziloon say pehlay hi...
Sath choott jatay hain...
Loog rooth jatay hain...
Yeh tumhain bata doon main...
Chahtoon kay rishtay main...
Phir girah nahi lagti...
Lag bhi jaey to ous main...
Woh kashish nahi rehti...
Eik pheeka pheeka sa...
Rabta to rehta hai...
Tazgi nahi rehti...
Rooh kay taluuq main...
Zindagi nahi rehti...
Baat woh nahi banti...
Dosti nahi rehti...
Lakh bar mil kar bhi..
Dil kabhi nahi miltay...
Zehen kay jharokoon main...
Yaad kay darichoon main...
Titliyoon kay rangoon main...
Phool phir nahi khiltay...
Eis liyay main kehti hoon..
Eis tarah ki batoon main..
Ehtiyaat kartay hain ... !!
Eis tarah ki batoon say ...
Ijtenaab kartay hain .... !!

Jo Chaho Agar To Tum Aisa Karo,

Jo Chaho Agar To Tum Aisa Karo,
Ehsaas Ke Saare Rishte Tod Do,
Pyaar Ke Saare Bandhan Khol Do,
Dilse Apne Bhula Do Mujhe,
Aur Phir Kabhi Na Yaad Aao Mujhe,
Dua Hai Meri Khuda Se Ke,
Har Kadam Tumhara Manzil Ki Taraf Uthe,
Aakash Ke Sitaro Ko Chhu Lo Tum,
Khushiyan Har Dam Tumhari Raah Take,
Jugnu Ki Tarah Jhilmilao Tum,
Kash Ke Aisa Ho Jaye,
Kisi Kadam Par Mehsoos Na Ho Kami Meri,
Kisi Makaam Par Mujhko Yaad Na Karo Tum,
Khushiyon Mein Aise Apni Magan Raho,
Kabhi Mazi Ke Warq Na Palto Tum...
Magar Ye Bhi Yaad Rakhna,
Agar Kisi Manzil Par Pahuch Kar Koi Dard Mil Jaye,
Aankh Tumhari Jo Kabhi Purnam Ho Jaye,
Kabhi Kisi Apne Ki Kami Mehsoos Karo To,
To Tum Mujhe Pukar Lena,
Aur Agar Ye Bhi Na Kar Pao To,
Dilko Apne Samet Lena,
Aur Bas Yaad Mujhe Tum Kar Lena,
Aankhon Ke Dwaron Ko Band Kar Lena,
Mehsoos Mujhe Tum Kar Lena,
Aur Phir Yun Karna Ke,
Saare Raaz Apne Dil Ke Tum Mujhse Keh Lena,
Saare Dard Apne Dil Ke Tum Mujhse Baant Lena,
Bas Meri Ek Aakhri Khwahish Yaad Rakhna...

Wo Pehli Baarish

Wo Pehli Baarish,
Wo Pehli Baarish Ka Pehla Qatra,
Yaad Karo Jab Hum Par Barsa,
Dilka Mausam Kitna Badla,
Dilka Aangan Kitna Mehka,
Phir Kabhi Aisa Saawan Nahi Aaya,
Phir Mujhse Apni Baatein Karke,
Apne Dilki Fariyaad Sun Kar,
Achanak Tum Aise Ghabrayi,
Shayad Baarish Mein Tezi Aayi,
Ye Dil Mein Ek Toofan Sa Utha,
Anjaane Mein Mere Haath Ko Pakda,
Na Jaane Ke Qasam Kahi,
Phir Kabhi Aisa Saawan Nahi Aaya,
Ab To Baarish Tam Ghai Hai,
Apni Apni Raah Ko Chale,
Ab Shayad Kabhi Na Mile,
Dhoop Ke Chamakte Kirno Mein,
Aankhon Ke Aansu Moti Bankar,
Bilakh Bilakh Kar Aise Barse,
Jaise Parwane Shamma Ko Tarse,
Phir Kabhi Aisa Sawan Nahi Aaya,
Shayad Khushiyan Rooth Gayi Humse,
Phir Kabhi Aisa Sawan Nahi Aaya,
Na Kabhi Wo Baarish Ka Qatra Barsa,
Phir Kabhi Dilka Mausam Na Badla,
Teri Yaad Mein Ab Kabhi Kabhi,
Aankhon Se Hoti Hai Baarish,
Phir Kabhi Aisa Saawan Nahi Aaya...

Ussay Kehna...!

Ussay Kehna...!
Ussay kehna december aa gya hai
december k guzartey he bars ek aur maazi ki gaphha main
Doob jaey ga
Ussay kehna December lout aaey ga
Magar jo khoon so jaey ga jismon main na jaagey ga
Ussay kehna k hawaein sard hain aur zindagi k kohrey
Deewaaron main larzaan hain
Ussay kehna shagoofey tehniyon main so rehey hain
Aur unn per barf ki chaadar bichi hai
Ussay kehna agar sooraj na nikley ga
Tou kaisay barf pigley gii
USSAY KEHNA K LOUT AAO....

Akeli bohat hoon mein

Akeli bohat hoon mein….
sachchaaee ko jab sehna chaaha..
sach baat jab bhi kehna chaaha,
lab kholney sey pehley hi…
jab peechey murr key dekha tab,
idraak huwa mujh pey yeh key….
mein bohat akeli hoon,
haqeeqatoon sey ser takraaney ko…
haq apna, haq sey paaney ko,
qadam berhaaney sey pehley hi…
jab peechey murr key dekha tab,
idraak huwa mujh pey yeh key….
mein bohat akeli hoon,
achchaaee key badley, achcha paaney ki…
khawhish dil mey jaagi tu,
umeed jagaaney sey pehley hi….
jab peechey murr key dekha tab,
idraak huwa mujh pey yeh key….
mein bohat akeli hoon,
mein bohat akeli hoon.

Nazar Reh-Guzar Dar Dareeche Likhun,

Nazar Reh-Guzar Dar Dareeche Likhun,
Haram Farsh Chilman Ghaleeche Likhun,
Khalish Karb Zakhm-E-Tamanna Likhun,
Junoon Bekhudi Jaam-O-Meena Likhun,
Jafa Berukhi Beniyazi Likhun,
Haqeeqi Muraadi Majaazi Likhun,
Dil Aaraa Dil Aazaar Dilbar Likhun,
Sanam Sangpaara Sitamgar Likhun,
Tumhari Ada Apni Wehshat Likhun,
Likhun Kya Agar Main Tumhe Khat Likhun...
Mulakat Ka Aakhri Pal Likhun,
Main Daaman Likhun Ye Ke Aanchal Likhun,
Glogeer Afsurdaa Gharyan Likhun,
Wo Namak Palkon Ki Ladyaan Likhun,
Kashakash Hawaadis Salasil Likhun,
Hayaat-O-Ajal Ka Main Haasil Likhun,
Ghazal,Nazm, Qata, Rubai Likhun,
Hadees-E-Dam-E-Alwidayi Likhun,
Koi Khat Likhun Ya Wasiyat Likhun,
Khoun Kya Agar Main Tumhe Khat Likhun...