Mery Hamsafar Mery Jism-O-Jaan Ky Har Aek Rishty Sy Mautabar

1. Mery Hamsafar
   Mery Jism-O-Jaan Ky Har Aek Rishty Sy Mautabar
   Mery Hamsafar
   Tujhy Yaad Hein, Tujhy Yaad Hein
   Wo Jo Qurbaton Ky Suroor Mein
   Teri Aarzoo Ky Hisaar Mein
   Meri Khaahishon Ky Wafoor Mein
   Kai Zaaiqy They Ghuly Huwy
   Dar-E-Gulsitaan Sy Bahaar Tak
   Wo Jo Raasty They Khuly Huway
   Sar-E-Loh-E-Jaan
   Kisi Ajnabi Si Zubaan Ky
   Wo Jo Khushnumaan Sy Haroof They
   Wo Jo Sarkashi Ka Ghubaar Tha Cha-har Su
   Jahan Aek Doo-Jy Ky Rubaroo
   Hamen Apni Roohon Mein Phaelti
   Kisi Naghmaggi Ki Khabbar Mili
   Kisi Roshni Ki Nazar Mili
   Hamen Roshni Ki Nazar Mili
   To Jo Reza Reza Sey Aks They
   Wo Behm Huwy
   Wo Behm Huwy To Pata Chala
   Ky Jo Aag Si Hy Sharar-Fishaan Meri Khaak Mein
   Usi Aag Ka Koi Anbujha Sa Nishaan Hy Teri Khaak Mein
   Isi Khaak-Daan Mein Wo Khaab Hy Jissy Shakl Deny Ky Waasty
   Ye Jo Shash johaat Ka Khel Hy, Ye Ravaan Huwa
   Isi Roshni Sy Makaan Banna, Isi Roshni Sy Zamaan Huwa
   Ye Jo Her Gumaan Ka Yaqeen Hy
   Wo Jo Her Yaqeen Ka Gumaan Tha
   Isi Daastaan Ka Bayaan Tha
   

2. Mery Hamsafar
   Kisi Dhiaan Ky Kisi Taaq Per Hy Dhara Huwa
   Wo Jo Aek Rishta-E-Dard Tha
   Mery Naam Ka Tery Naam Sy
   Teri Subh Ka Meri Shaam Sy
   Sar-E-Rahguzzar Hy Parra Huwa Wohi Khaab-E-Jaan
   Jisay Apni Aankhoon Sy Dekh Leny Ky Waasty
   Kai Laakh Taaroon Ki Seerriyoon Sy Uttar Ky Aati Thi Kehkashaan
   Sar-E-Aasmaan
   Kisi Abbr Paaray Ki Ott Sy
   Usay Chaand Takta Tha Raat Bhar

3. Mery Hamsafar
   Usi Rakht-E-Gham Ko Sammetty
   Usi Khaab-E-Jaan Ko Sanbhaalty
   Mery Raasty Kai Raaston Mein Ulajh Gaye
   Wo Chiraagh Jo Mery Saath Saath They, Bujh Gaye
   Wo Jo Manzilen
   Kisi Aur Manzil-E-Benishaan Ky Ghubaar-E-Rah Mein Kho Gayen
   Kai Waswason Ky Fishaar Mein Shab-E-Intazaar Si Ho Gayen
   Wo Tanaab-E-Dil Jo Ukharr Gaye
   Wo Khyaam-E-Jaan Jo Ujjar Gaye
   Wo Safeer They Usi Daastaan-E-Hayaat Ky
   Jo Warq Warq Thi Bharri Hui
   Mere Shoq Se Tery Roop Sy
   Kahin Chaaon Sy Kahin Dhoop Sy
   Mery Hamsafar Tujhy Kiya Khabbar
   Ye Jo Waqt Hy Kisi Dhoop Chaon Ky Kheil Sa
   Isey Dekhty, Isey Jheilty
   Meri Aankh Gard Sy Att Gai
   Mery Khaab Rait Mein Kho Gaye
   Mery Haath Barf Se Ho Gaye

4. Mery Hamsafar
   Mery Bekhabar Tery Naam Per
   Wo Jo Phool Khilty They Hontt Per
   Wo Jo Deep Jalty They Baam Per
   Wo Nahi Rahy
   Wo Nahi Rahy Ky Jo Aek Rabt Tha Darmiyaan
   Wo Bikhar Gaya
   Kisi Shaam Aesi Hawa Chali
   Ky Jo Barg They Sar-E-Shaakh-E-Jaan
   Wo Gir Gaye
   Wo Jo Harf Darj They Reat Per
   Wo Urr Gaye
   Wo Jo Raastoon Ky Yaqeen They
   Wo Jo Manziloon Ky Ameen They
   Wo Nishaan-E-Paa Bi Mit Gaye

5. Mery Hamsafar
   Hy Wohi Safar
   Maggar Aek Morr Ky Fark Sy
   Tery Haath Sy Mery Haath Tak
   Wo Jo Haath Bhar Ka Tha Faasla
   Kai Mausamoon Mein Badal Gaya
   Usay Naapty, Usay Kaattay
   Mera Saara Waqt Nikal Gaya
   Tu Mery Safar Ka Shareek Hy
   Mein Tery Safar Ka Shareek Hoon
   Per Jo Darmiyaan Sy Nikal Gaya
   Usi Faasly Ky Shumaar Mein
   Usi Be-Yakeen Sy Ghubaar Mein
   Usi Rahguzar Ky Hissaar Mein
   Tera Raasta Koi Aur Hy
   Mera Raasta Koi Aur Hy....!!!!

6. 
   

   Merey hamsafer teri nazer haiN
   Merey jazb-e-dil kii e shiddetaiN
   Merey khwab,meri basaretaiN
   Meri DhaDkenaiN,meri ChahataiN
   Jo terey qadm mere sath hoN
   Merey sath shams-o-qamer chalaiN
   teri qurbatoN maiN samet looN
   Rah-e-zindagi ki MusaaftaiN
   Ye rida-e-JaN tujhey soNp dooN
   Ke na dhoop tujh ko kaDi lagey
   KahiN dukh na tujh ko ata keraiN
   ser-e-dest-e-gham ki tamazataiN
   Merey roz-o-shab ke nisab maiN
   Merey pas apna tu kuch naheeN
   Tera qarz he meri zindagi
   Meri sansaiN teri amaanataiN
   Merey chand tu hi bata mujhey
   KahaN he woh mera zamana-sazz
   KahaN thak ke reh gia kaarvaN
   KahaN reh gaeeN meri sangataiN
   Woh jo mosamoN ka habeeb tha
   Meri piasi aankh ka khuwab tha
   Woh mujhey ab bhi aziz he
   Karey dil per ab bhi hakoomataiN

7. Maire humsafar, tujhey kya khabar
   Yeh jo waqt hai kisi dhoop chaon k khail sa
   Isey daikhtey, isey jhailtey
   Maire ankh gard se att gai
   Maire khuwab rait mai kho gaye
   Maire hath barf se ho gaye
   Maire bekhabar tere naam per
   Wo jo phool khilte they hont per
   Wo jo deep jalte the baam per,
   Wo nahi rahey
   Wo nahi rahey K jo aik rabt tha darmayan wo bikhar gaya
   Wo hawa chali
   Wo kisi sham aise hawa chali
   K jo barg the sar-e-shakhe Jan, wo gira diye
   Wo jo harf darj the rait per, wo ura diye
   Wo jo raaston ka yakeen thay
   Wo jo manzilon k ameen thay
   Wo nishan-e-pa bhi mita diye!
   Maire humsafar, hai wohi safar
   Magar aik moor k farq se
   Tere hath se maire hath tak
   Wo jo hath bhar ka tha fasla
   Kai mosamon mai badal gaya
   Usey naptey, Usey katatey
   Maira sara waqt nikal gaya
   Tu maire safar ka shareek hai
   Main tere safar ka shareek hon
   Per jo darmayan se nikal gaya
   Usi fasley ke shumar mai
   Usi be yaqeen se ghubar main
   Usi rahguzar ke hasar mai
   Tera rassta koi aur hai
   Maira rasta koi aur hai..